У рамках міжнароднага супрацоўніцтва Цэнтрам арганізавана павышэнне кваліфікацыі для кіраўнікоў і спецыялістаў лесагаспадарчых устаноў

У рамках міжнароднага супрацоўніцтва Цэнтрам падрыхтоўкі кадраў Мінлясгаса арганізавана павышэнне кваліфікацыі для кіраўнікоў і спецыялістаў лесагаспадарчых устаноў па тэме "Эфектыўны вопыт вядзення лясной гаспадаркі ў Расійскай Федэрацыі" са стажыроўкай у Расіі. Дванаццаць спецыялістаў ляснога сектара Рэспублікі Беларусь на чале з дырэктарам Цэнтра Святланай Лісіцай прыбыла ва Усерасійскі інстытут падрыхтоўкі кадраў лясной гаспадаркі ў Пушкіне Маскоўскай вобласці. У першы дзень візіту адбылося знаёмства з калектывам, навучальнай і матэрыяльнай базай установы. Наступным этапам стала рабочая сустрэча з кіраўніком ФБУ "Рослесозащита" В.У. Акбердзіным, дзе былі абмеркаваны актуальныя пытанні аховы і абароны лясоў ва ўмовах сучасных выклікаў. Завяршыўся першы дзень наведваннем музея лесу ў Маскве. На другі дзень стажыроўкі ў Расійскай Федэрацыі запланавана сустрэча з Міністрам лясной гаспадаркі Уладзімірскай вобласці і наведванне лесагаспадарчых устаноў рознай формы ўласнасці.